Engerans, vidames d'Amiens et sires de Pinkegni, fais savoir a tous chiaus ki ches presentes letres vesront, que je a honoraule pere men segnour Guifroi, vesque d'Amiens une pieche de terre que je avoie et tenoie de lui a Amiens d'en coste sen manage elveskal, li dounai et otriai bonement et amiablement a faire se volente et a edifier lui et les autres veskes qui seront apres lui. Et s'est asavoir que Marguerite me feme, et Geras mes ainnes fiex, et Renaus mes fiex, et Ide me fille, le don de le pieche de tere devant dite a me requeste le vaurent et otroierent fermement et amiablement a gregnour seurte d'amor de mon segnour l'evesqe. Et por che que cheste chose soit ferme et estable et verite provŽe ˆ tous jors, ai jo cheste presente chartre confremŽe de men seel, en l'an del Incarnasion Nostre Segnour Jhesu-Crist Mo CCo XXIIIo, el mois de decembre. Et s'estoient adonc a nostre maison a Clari present Margarete me feme, et Geras mes ainŽs fiex, et Renaus mes fiex, et Yde ma fille, et le chastelains de Moliens, et li sires de Fourdenoi, et li sires de Beesloi, et li chastelains de Hangest sur Soume, et pluisours autres.